កីឡា

ខ្សែ​ប្រយុទ្ធ​ស្លាប Phillipe Coutinho បាន​រង​របួស​ជង្គង់​ផ្នែក​ខាង​ឆ្វេង​ធ្ងន់ធ្ងរ ដែល​នេះ​អាច​រាប់​ជា​ដំណឹង​អាក្រក់​ផង និង​ដំណឹង​ល្អ​ផង​សម្រាប់​ក្លឹប Barcelona។ ដំណឹង​អាក្រក់​គឺ​ក្លឹប​នឹង​បាត់បង់​កីឡាករ​សំខាន់​រយៈ​ពេល​ច្រើន​ខែ​ចន្លោះ ៤-៥ ខែ​ឯ​ណោះ ពោល​គឺ​កៀក​ជិត​បញ្ចប់​រដូវ​កាល ២០២០/២១។ រី​ឯ​ដំណឹង​ល្អ គឺ​ក្លឹប​ទំនង​ជា​នឹង​មិន​ត្រូវ​ចំណាយ​ប្រាក់ ២០ លាន​អឺរ៉ូ ទូទាត់​ទៅ​ឲ្យ​ក្លឹប​ចាស់​របស់ Coutinho គឺ​ហង្ស​ក្រហម Liverpool។ នោះ​គឺ​ពាក់ព័ន្ធ​នឹង​កិច្ច​ព្រមព្រៀង​រវាង​ភាគី​ក្លឹប Barcelona និង​ Liverpool ដោយ​បាន​កំណត់​ថា ប្រសិន​ណា Coutinho អាច​បង្ហាញ​ខ្លួន​ដល់ ១០០ ប្រកួត នោះ​អ្នក​មាន​បុណ្យ​នឹង​ត្រូវ​ទូទាត់​ប្រាក់​បន្ថែម ២០ លាន​អឺរ៉ូ​ដល់​ក្លឹប​អាណាព្យាបាល​ចាស់​ Liverpool។ ​បច្ចុប្បន្ន Coutinho បង្ហាញ​ខ្លួន​បាន ៨០ ប្រកួត​ហើយ អ៊ីចឹង​នៅ​សល់ ២០ ប្រកួត​រយៈ​ពេល​ជាង ២ មុន​បញ្ចប់​រដូវ​កាល គឺ​ពិត​ជា​មិន​អាច​ទៅ​រួច​ឡើយ។ គួប​ផ្សំ​នឹង​ស្ថានភាព​របស់ Coutinho រយៈ​ពេល​ចុង​ក្រោយ​ល្ហៀងៗ​ថា​អាច​នឹង​ចាកចេញ​ផង​នោះ បែប​នេះ​មាន​ន័យ​ថា ប្រសិន …

Cristiano Ronaldo បានក្លាយជាកីឡាករទី៤ រកបានយ៉ាងហោចណាស់ចំនួន ៣៣ គ្រាប់នៅក្នុងក្របខណ្ឌ Serie A ក្នុងមួយឆ្នាំ បន្ទាប់ពីដណ្តើមបានជ័យជម្នះ ៤-០ របស់ក្រុម Juventus ទៅលើក្រុម Parma។ កីឡាករវ័យ ៣៥ ឆ្នាំបានស៊ុតបាល់បញ្ចូលទីចំនួន ២គ្រាប់ ខណៈដែល Juventus បានឈានទៅរកជ័យជម្នះដែលបានធ្វើឱ្យពួកគេឈានដល់កម្រិតមួយស្មើរជាមួយក្រុម Inter Milan និងនៅពីក្រោយក្រុមកំពូលតារាងត្រឹមតែមួយពិន្ទុប៉ុណ្ណោះ ប៉ុន្តែ AC Milan នៅសល់មួយប្រកួតក្នុងដៃ ដែលត្រូវប្រកួតយប់ថ្ងៃអាទិត្យនេះ។ Ronaldo បានតាមស្មើគ្រាប់បាល់របស់អតីតខ្សែប្រយុទ្ធឆ្នើមលោក Omar Sivori របស់ក្រុមសេះបង្កង់ Juventus ពីឆ្នាំ ១៩៦១ ដែលជាចំនួនច្រើនបំផុតក្នុងឆ្នាំតែមួយ បន្ទាប់ពីលោក Gunnar Nordahl (៣៦គ្រាប់ ក្នុងឆ្នាំ ១៩៥០) និងលោក Felice Borel (៤១គ្រាប់ ក្នុងឆ្នាំ …

អង់គ្លេស៖ ក្ដីសង្ឃឹមរបស់ប្រជាជនអង់គ្លេសរាប់លាននាក់ ដែលការរឹតត្បិតនៃជំងឺកូវីដ-១៩ត្រូវបានកាត់បន្ថយនៅថ្ងៃបុណ្យណូអែល បានក្លាយជាអសារបង់នៅថ្ងៃសៅរ៍ បន្ទាប់ពីក្រុមអ្នកវិទ្យាសាស្ត្របានព្រមានថា វីរុសបំលែងពូជថ្មីកំពុងតែរីករាលដាលលឿនជាងវីរុសកាលពីមុន។ នាយករដ្ឋមន្ត្រីអង់គ្លេស លោក Boris Johnson បានប្រកាសពីការរឹតបន្តឹងបន្ថែមទៀត ចំពោះវីរុសកូរ៉ូណា ដែលរឹតបន្តឹងច្បាប់ជុំវិញការជួបជុំគ្នាក្នុងឱកាសថ្ងៃឈប់សម្រាកនៃពិធីបុណ្យណូអែល នៅប្រទេសអង់គ្លេស ខណៈមេដឹកនាំនៅប្រទេសស្កុតឡេននិងវ៉ែលក៏បានដាក់ចេញនូវវិធានការតឹងរ៉ឹងផងដែរ។ ចក្រភពអង់គ្លេសមានអត្រាអ្នកស្លាប់ដោយសារជំងឺកូវីដ-១៩ ខ្ពស់បំផុតនៅអឺរ៉ុប ដែលមានអ្នកស្លាប់ចំនួនជាង៦៧,០០០នាក់ និងករណីឆ្លងជាង២លាននាក់។ នាយករដ្ឋមន្ត្រីបានប្រកាសព័ត៌មានថា ទីក្រុងឡុងដ៍និងមួយផ្នែកធំនៃភាគខាងត្បូងនិងភាគខាងកើតនៃប្រទេសអង់គ្លេស ដែលជាកន្លែងមានករណីកំពុងផ្ទុះឡើង នឹងចូលការរឹតបន្តឹងលំដាប់ទី៤ ដែលស្រដៀងនឹងការបិទតំបន់ នៅថ្ងៃអាទិត្យ។ លោក Johnson បាននិយាយនៅក្នុងសន្និសីទសារព័ត៌មានមួយថា៖ «ការឆ្លងរាលដាលកំពុងត្រូវបានជំរុញដោយវីរុសបំលែងពូជថ្មី។ វាហាក់ដូចជារាលដាលយ៉ាងងាយស្រួល ហើយវាអាចចម្លងបានទៅដល់៧០ភាគរយ ខ្លាំងជាងប្រភេទកាលពីមុន។» លោក Johnson បានគូសបញ្ជាក់ផងដែរថា លំដាប់ទី៤ស្ថិតនៅក្រោមការរឹបន្តឹងខ្លាំងបំផុត វានឹងមិនអនុញ្ញាតឲ្យមានការជួបជុំគ្នានៅតាមផ្ទះ សម្រាប់ពិធីបុណ្យណូអែលនោះទេ។ នៅក្នុងតំបន់ដែលស្ថិតនៅក្រោមកម្រិតប្រកាសអាសន្នទាប នៅក្នុងប្រទេសអង់គ្លេស ស្កុតឡេន និងវ៉ែល ឥឡូវនេះអាចនឹងអនុញ្ញាតឲ្យមានការជួបជុំនៅថ្ងៃបុណ្យណូអែល៕

Kai កូន​ប្រុស​ច្បង​របស់ Wayne Rooney បាន​ចុះ​កុងត្រា​ជាមួយ​បិសាច​ក្រហម Manchester United។ Kai វ័យ​ទើប​តែ​១១​ឆ្នាំ​​​បាន​​បង្ហាញ​រូបភាព​​អង្គុយ​ចុះ​កិច្ចសន្យា ដែល​​មាន​ឪពុក​និង​ម្ដាយ​ឈរ​អម​សងខាង។ ក្នុង​នោះ​ដែរ​គេ​ក៏​​បាន​លើក​អាវ​​មាន​លេខ​១០​នៅ​ពី​ក្រោយ ដែល​​ដូច​គ្នា​​​ទៅ​នឹង​លេខ​របស់​ Wayne ធ្លាប់​ពាក់​ពេល​លេង​នៅ Old Trafford។ អតីត​ប្រធាន​ក្រុម​របស់​អង់គ្លេស Rooney បាន​សរសេរ​លើ​បណ្ដាញ​សង្គម Instagram ថា៖ “ថ្ងៃ​មោទនភាព។ Kai ចុះ​កុងត្រា​ជាមួយ Man Utd។ បន្ត​ការ​ប្រឹងប្រែង​កូន​ប្រុស”។ បញ្ជាក់​ថា Rooney បាន​ចំណាយ​ពេល​ជាមួយ Manchester United រយៈពេល​១៣​ឆ្នាំ ពី​ឆ្នាំ​២០០៤​ដល់​២០១៧ និង​ក្លាយ​ជា​ប្រធាន​ក្រុម​នៅ​ឆ្នាំ​២០១៤៕

ពាន​រង្វាន់​កីឡាករ​ល្អ​បំផុត​របស់ FIFA ​បាន​ប្រកាស​លទ្ធផល​នៅ​យប់មិញ​នេះ​ហើយ ​ដោយ​បាន​ទៅ​លើ​ខ្សែ​ប្រយុទ្ធ Robert Lewandoski ​របស់​ក្រុម Bayern Munich ​។​ស្រប​ពេល​លទ្ធផល​អ្នក​លេខ​២​វិញ​បាន​ទៅ​លើ Ronaldo ​និង​លេខ​៣ ​បាន​ទៅ​លើ Messi។ ​ពាន​រង្វាន់​ធំ​ខាង​លើ​នេះ ​គឺ​ត្រូវ​បាន​បោះ​ឆ្នោត​ដោយ​ប្រធាន​ក្រុម​ជម្រើស​ជាតិ ​គ្រូ​បង្វឹក​ជម្រើស​ជាតិ ​និង​អ្នក​កាសែត​ផង​ដែរ។ ​ដោយ​ក្នុង​នោះ Lionel Messi ​និង Cristiano Ronaldo ​ក៏​មាន​សិទ្ធិ​បោះ​ដូច​គ្នា។ ​បើ​តាម​របាយការណ៍​របស់FIFA ​ គឺ​ចេញ​មក​ថា Messi ​ប្រធាន​ក្រុម​អាហ្សង់ទីន​បាន​បោះ​ឱ្យ Neymar ​លេខ​១ ​Mbappe ​លេខ​២ ​និង Lewandowski លេខ​៣។​ស្រប​ពេល Ronaldo ​វិញ ​បាន​បោះ​ឱ្យ Lewandowski លេខ​១ Messi ​លេខ​២ ​និង Mbappe ​លេខ​៣៕

​Paul Scholes ​អ្នក​វិភាគ​និង​អតីត​កីឡាករ Manchester United ​បាន​អះអាង​ថា​ទម្រង់​លេង​បច្ចុប្បន្ន​របស់ Manchester United ​ឱ្យ​តែ​លេង​ថេរ​បែប​នេះ​នឹង​មាន​ឱកាស​ឈ្នះ​ពាន​រង្វាន់ Premier League ​មិន​ខាន។ ​ក្រុម​បិសាច​ក្រហម Manchester United ​នៅ​យប់មិញ​នេះ​បាន​យក​ឈ្នះ​លើ​ក្រុម​ Sheffield United ​ក្នុង​លទ្ធផល ៣-២ ​សម្រាប់​ការ​ប្រកួត​ពាន​រង្វាន់ English Premier League ​។ លទ្ធផល​ទទួល​បាន​៣​ពិន្ទុ​បន្ថែម​នេះ​ដែរ ​បាន​ធ្វើ​ឱ្យ​ក្រុម Man Utd ​កាន់​តែ​មាន​សង្ឃឹម​ប្រជែង​ពាន​បាន​ហើយ ព្រោះ​ពួកគេ​នៅ​សល់​ការ​ប្រកួត​ក្នុង​ដៃ​១​ប្រកួត​ទៀត។ បើ​ឈ្នះ​១​ប្រកួត​នោះ​ទៀត ​នោះ​អាច​ឡើង​ដល់​លេខ​២​ឯ​ណោះ​ក្នុង​តារាង។ ​លោក Paul Scholes ​បាន​អះអាង​ថា​ទម្រង់​លេង​បច្ចុប្បន្ន​នេះ​គឺ​អាច​ឱ្យ Man Utd ​ប្រជែង​ពាន​រង្វាន់​បាន។ ​កីឡាករ​ទាំង​អស់​កំពុង​សប្បាយ​ចិត្ត​ជាមួយ​ការ​លេង​បាល់ ដូច្នេះ​នៅ​សល់​ប្រកួត​ទាំង​អស់​ខាង​មុខ បើ​មិន​មាន​កីឡាករ​របួស​ច្រើន​ទេ ​នោះ​ពួកគេ​នឹង​មាន​ឱកាស​ឈ្នះ​ពាន​រង្វាន់​មិន​ខាន៕

​ក្រុម​អ្នក​មាន​បុណ្យ FC Barcelona ​បាន​យក​ឈ្នះ​លើ​ក្រុម Real Sociedad ​ក្នុង​លទ្ធផល ២-១ ​សម្រាប់​ការ​ប្រកួត​ពាន​រង្វាន់ La Liga ​នៅ​យប់មិញ​នេះ​។ ​ ក្នុង​ការ​ប្រកួត​នេះ ​ក្រុម​ភ្ញៀវ Sociedad ​ជា​អ្នក​រក​គ្រាប់​បាល់​នាំ​មុខ​មុន ​ប៉ុន្តែ​ត្រូវ​ម្ចាស់​ផ្ទះ Barcelona ​វាយ​បក​តាម​ស្មើ​និង​នាំ​មុខ​ជា​ថ្មី​បាន​នៅ​តង់​ទី​១​តែ​ម្ដង។ ដោយ​ឡែក​នៅ​តង់​ទី​២​វិញ ​មិន​មាន​គ្រាប់​បាល់​កើត​ឡើង​ឡើយ ​បើ​ទោះ​ជា​ក្រុម​អ្នក​មាន​បុណ្យ​បន្ដ​សម្រុក​បន្ថែម​ទៀត​ក៏​ដោយ។ ​សម្រាប់​ការ​លេង​ប្រកួត​នេះ Jordi Alba ​​ដែល​រក​បាន​១​គ្រាប់​ដែរ​នោះ​បាន​និយាយ​ថា​៖ “វា​ជា​ការ​ធ្វើ​បាន​ល្អ​បំផុត​របស់​យើង​នៅ​តង់​ទី​១ ​ហើយ​វា​ជា​ការ​ធ្វើ​បាន​ល្អ​ជាង​គេ​នៅ​ឆ្នាំ​នេះ​ផង​ដែរ។ ​ប្រកួត​នេះ ខ្ញុំ​សប្បាយ​ចិត្ត​ជាមួយ​កាយ​វិការ​និង​ការ​តាំង​ចិត្ត​លេង​របស់​ក្រុម​យើង”៕ប្រភព Marca

ក្រុម Real Sociedad ​នឹង​ត្រូវ​ទៅ​សួរ​សុខទុក្ខ​ក្រុម FC Barcelona ​នៅ​យប់​នេះ សម្រាប់​ការ​ប្រកួត​ពាន​រង្វាន់ La Liga ​។ជំនួប​នេះ​ដែរ ​នឹង​តានតឹង​មិន​ខាន ត្បិត​អី​ក្រុម Barcelona ​ដែល​ជា​ម្ចាស់​ផ្ទះ​នោះ​ត្រូវ​ការ​ឈ្នះ​ដាច់​ខាត​តែ​ម្ដង ដើម្បី​មាន​ឱកាស​ប្រជែង​ជាមួយ​ក្រុម​ដទៃ​ទៀត​បាន។ ក្រុម Real Sociedad ​នឹង​ត្រូវ​ទៅ​សួរ​សុខទុក្ខ​ក្រុម FC Barcelona ​នៅ​យប់​នេះ សម្រាប់​ការ​ប្រកួត​ពាន​រង្វាន់ La Liga ​។ជំនួប​នេះ​ដែរ ​នឹង​តានតឹង​មិន​ខាន ត្បិត​អី​ក្រុម Barcelona ​ដែល​ជា​ម្ចាស់​ផ្ទះ​នោះ​ត្រូវ​ការ​ឈ្នះ​ដាច់​ខាត​តែ​ម្ដង ដើម្បី​មាន​ឱកាស​ប្រជែង​ជាមួយ​ក្រុម​ដទៃ​ទៀត​បាន។ ​ដោយ​ឡែក​ខាង​ក្រុម Sociedad ​វិញ ​ក៏​ទាមទារ​ចង់​ឈ្នះ​យក​៣​ពិន្ទុ​ដូច​គ្នា ដើម្បី​បន្ដ​កំពូល​តារាង។​មុន​ការ​ប្រកួត​នេះ ​លោក ​Imanol Alguacil ​គ្រូ​បង្វឹក​ក្រុម Real Sociedad ​បាន​និយាយ​ដែរ​ថា​៖ “ខ្ញុំ​មើល​ឃើញ Barcelona ​នៅ​តែ​ជា​ក្រុម​ខ្លាំង​ដដែល។ ​គ្រប់​ប្រកួត​ដែល​ពួកគេ​លេង ពួកគេ​បាន​បង្កើត​ឱកាស​ដើម្បី​ឈ្នះ​ការ​ប្រកួត​បាន។ ដោយ​អ្វី​ដែល​កើត​ឡើង​កន្លង​មក​នេះ …

Frank Lampard បាន​លើក​ឡើង​ថា Chlesea បាន​ចាប់​ឆ្នោត​ប៉ះ​ការ​ប្រកួត​លំបាក​ជាង​គេ​នៅ Champions League ដោយ​ពួក​គេ​ត្រូវ​ជួប Atletico Madrid នៅ​វគ្គ​១៦​ក្រុម​ចុងក្រោយ។ Chelsea ឈរ​ក្នុង​​​កំពូល​តារាង​នៃ​ពូល​របស់​ពួក​គេ ប៉ុន្តែ​ហាក់​មាន​ក្ដី​បារម្ភ​ច្រើន​ពេល​ដែល​ត្រូវ​ប៉ះ Atletico ដែល​ជា​ក្រុម​ឆ្លង​ដល់​វគ្គ​៨​ក្រុម​ចុងក្រោយ​ឆ្នាំ​មុន និង​បច្ចុប្បន្ន​​មាន​ពិន្ទុ​ស្មើ​គ្នា​ជាមួយ​ក្រុម​នៅ​កំពូល​តារាង La Liga។ “វា​​គឺ​ជា​ចាប់​ឆ្នោត​​ជួប​ការ​ប្រកួត​លំបាក​មួយ ប៉ុន្តែ​ពួក​យើង​ត្រូវ​តែ​កំណត់​គោលដៅ​​របស់​ពួក​យើង​ឲ្យ​បាន​ខ្ពស់​បំផុត​តាម​ដែល​អាច​ធ្វើ​បាន។ ប្រសិន​ជា​អ្នក​​​ចង់​ឈ្នះ​ពាន អ្នក​ត្រូវ​តែ​ផ្ដួល​ក្រុម​ទាំង​នោះ។ អ្នក​​នឹង​មិន​អាច​ឈ្នះ​ការ​ប្រកួត​​ក្នុង​កម្រិត​នេះ​ឡើង​ ប្រសិន​បើ​មិន​ជឿជាក់​លើ​ខ្លួន​ឯង”។ សម្ដី​របស់ Lampard។ ជើងទី១ ​នៃ​ពាន​រង្វាន់ Champions Leagueនឹង​ប្រព្រឹត្តិ​ឡើង​នៅ​ថ្ងៃ​ទី១៦-១៧/ ២៣-២៤​ កុម្ភៈ ២០២១។ ឯ​ជើង​ទី​ទី២ វិញ នឹង​ធ្វើ​ឡើង​នៅ​ថ្ងៃ​ទី៩-១០/ ១៦-១៧ ខែ​មីនា ឆ្នាំ២០២១៕

បេក្ខភាព​ប្រធាន​ក្លឹប​ថ្មី​របស់​ Barcelona លោក Emili Rousaud បាន​និយាយ​កាល​ពី​ពេល​កន្លង​ទៅ​នេះ​ថា Lionel Messi នឹង​ត្រូវ​ចាកចេញ​ពី Camp Nou ប្រសិន​គេ​មិន​ព្រម​កាត់​បន្ថយ​ថ្លៃ​ពលកម្ម ក្នុង​ស្ថានភាព​វិបត្តិ​សេដ្ឋកិច្ច​ដែល​ក្លឹប​ជួប​ប្រទះ​ពេល​នេះ។ កុងត្រា​របស់​កីឡាករ​អាហ្សង់ទីន​នឹង​ត្រូវ​ផុត​នៅ​បញ្ចប់​រដូវ​កាល​ឆ្នាំ ២០២១ ហើយ​ចាប់​ពី​ថ្ងៃ​ទី ១ ​មករា​ខាង​មុខ​នេះ​ទៅ M10 អាច​ចរចា​ជាមួយ​ភាគី​ក្លឹប​ដទៃ​បាន​ហើយ ប្រសិន​គេ​មិន​ចង់​នៅ Barcelona។ ប្រាប់​សារព័ត៌មាន ARA លោក Rousaud និយាយ​ថា៖ “យើង​នឹង​អង្គុយ​ជជែក​គ្នា​ជាមួយ Messi ដោយ​សួរ​នាំ​គាត់​អំពី​​ការ​កាត់​ប្រាក់​ឈ្នួ ហើយ​ពេល​នេះ​ស្ថានភាព​វា​មិន​នឹងន​នោះ​ទេ”។ លោក​បន្ថែម​ទៀត​ថា៖ “យើង​នឹង​ស្នើ​ឲ្យ​គេ​ព្រម​លះបង់​រឿង​ថ្លៃ​ពលកម្ម​ហ្នឹង​មួយ​ផ្នែក ហើយ​ប្រសិន​មិន​ព្រម​ទេ​នោះ អ៊ីចឹង​ Messi មាន​តែ​ផ្លូវ​ចាកចេញ​ហើយ”៕