facebook
Breaking News

ថៃ ទទួលស្គាល់ថា ស្ថានភាពកូវីដពេលនេះ ធ្ងន់ធ្ងរមែនទែន គឺធ្ងន់ធ្ងរជាងរលកដំបូងទៀត

មជ្ឈមណ្ឌលគ្រប់គ្រងស្ថានភាពជំងឺកូវីដ១៩ (CCSA) កាលពីថ្ងៃអាទិត្យបានទទួលស្គាល់ថា ការផ្ទុះឡើងនៃវីរុសកូរ៉ូណានាពេលបច្ចុប្បន្ននេះគឺធ្ងន់ធ្ងរជាងរលកដំបូងកាលពីដើមឆ្នាំទៅទៀតហើយបានជំរុញឲ្យសាធារណជនគោរពតាមវិធានការគ្រប់គ្រងជំងឺឆ្លងបើមិនចង់ឲ្យមានការដាក់ចេញនូវវិធានការធ្ងន់ធ្ងរជាងនេះ។

លោក Taweesilp Visanuyothin អ្នកនាំពាក្យរបស់ CCSA បាននិយាយថា ចំនួននៃការឆ្លងបានកើនឡើងជាងមួយពាន់ករណីត្រឹមរយៈពេលខ្លីដែលនេះបង្ហាញថា ការរីករាលដាលនៃវីរុសនៅពេលនេះគឺធ្ងន់ធ្ងរជាងរលកដំបូងដែលបានចាប់ផ្តើមកាលពីដើមឆ្នាំនេះទៅទៀត។

ករណីកូវីដថ្មីសរុបចំនួន១២១ករណីត្រូវបានរាយការណ៍កាលពីថ្ងៃអាទិត្យម្សិលមិញនេះដោយក្នុងនោះមាន៩៤ករណីជាការចម្លងក្នុងសហគមន៍។

ចំនួនករណីសរុបបានកើនឡើងដល់៦,១៤១ករណីគិតត្រឹមថ្ងៃអាទិត្យបើប្រៀបធៀបនឹងចំនួន៤,៣៣១ករណីមុនពេលមានការផ្ទុះឡើងនៅខេត្តសាមុតសាខនកាលពីពាក់កណ្តាលខែធ្នូ។

ទោះបីជាយ៉ាងណាក៏ដោយ លោកវេជ្ជបណ្ឌិត Taweesilp បាននិយាយថា មន្រ្តីសុខាភិបាលត្រៀមខ្លួនបានយ៉ាងល្អនិងមានបទពិសោធច្រើនជាងនៅពេលដែលជំងឺរាតត្បាតនេះបានរាលដាលនៅក្នុងប្រទេសពេលដំបូង។

លោកនិយាយថា “ដូច្នេះថាតើវិធានការគ្រប់គ្រងជំងឺនឹងត្រូវពង្រឹងបន្ថែមឬក៏អត់នោះគឺវាអាស្រ័យទៅលើកម្រិតនៃកិច្ចសហប្រតិបត្តការជាសាធារណៈ។ ប្រសិនបើយើងសហការ វាមិនចាំបាច់អនុវត្តច្បាប់កំណត់ការបិទប្រទេសឬបម្រាមគោចរនោះទេ។ រដ្ឋាភិបាលមិនចង់ដាក់ការរឹតបន្តឹងឡើយ”។

លោកបន្តថា មនុស្សគ្រប់គ្នាគួរតែបន្តពាក់ម៉ាស់នៅទីសាធារណៈនិងជៀសវាងការជួបជុំធំៗប៉ុន្តែពួកគេនៅតែអាចរៀបចំពិធីជប់លៀងតូចៗជាមួយមិត្តភក្តិជិតស្និទ្ធនិងសមាជិកគ្រួសារបាន៕

Facebook Comments

About Sory Ouch

Check Also

មានឆ្ងល់អត់ថាម៉េចបានអ្នកខ្លះញ៉ាំច្រើនតែមិនឡើងគីឡូ? មកយល់ដឹងទាំងអស់គ្នា.

មនុស្ស​រាល់​គ្នា​តែង​តែ​​ស្រមៃ​ចង់​បាន​​​រាង​កាយ​សម​សួន​​​ដែល​គួរ​ឲ្យ​ទាក់​ទាញ​។​ ប៉ុន្តែ​វា​ហាក់​ដូច​ជា​មាន​ភាព​អយុត្តិធម៌​ទៅ​វិញ​ នៅ​ពេល​ដែល​អ្នក​ខ្លះ​ចង់​តម​អាហារ​ មិន​ហ៊ាន​ញ៉ាំ​នេះ​ មិន​ហ៊ាន​ញ៉ាំ​នោះ​ ព្រម​ទាំង​ហាត់​ប្រាណ​ថែម​ទៀត​ តែ​បែរ​ជា​ធាត់​ជ្រុល​។​ រីឯ​អ្នក​ខ្លះ​​វិញ​ អាច​ញ៉ាំ​គ្រប់​យ៉ាង​ ​តែ​រាង​នៅ​តែ​ស្លីម​​ដដែល​។ តើ​ពួកគេ​មាន​អាថ៌កំបាំង​អ្វី​ទៅ?​ ហើយ​តើ​ពួកគេ​គ្រប់​គ្រង​ទម្ងន់​ខ្លួន​​យ៉ាង​ដូច​ម្តេច​ខ្លះ​? យ៉ាង​ណា​មិញ​ មាន​កត្តា​ជា​ច្រើន​ដែល​ធ្វើ​ឲ្យ​មនុស្ស​មួយ​ចំនួន​​មិន​ដែល​ស្គាល់​ពាក្យ​ថា​ឡើង​ទម្ងន់​​ទាល់​តែ​សោះ​ ដូចជា​កត្តា​ហ្សែន​ អាហារូបត្ថម្ភ​ …

Leave a Reply

Your email address will not be published. Required fields are marked *